Qlomerulonefrit – əsasən böyrəyin yumaqcıq aparatının, daha sonra isə digər strukturlarının zədələnməsi ilə gedən böyrəklərin immunokompleks xəstəliyidir. Xəstəlik proqressiv gedişə malikdir. Ən çox mǝktǝbǝqǝdǝr yaşlı uşaqlarda tǝsadüf edilir.

Əsasǝn angina, elǝcǝ dǝ yuxarı tǝnǝffüs yollarının katarı, skarlatina, piodermiyadan sonra baş verir. Əmələ gəlməsində «A» qrupundan olan β-hemolitik streptokokklar rol oynayır. Kimyǝvi maddǝlǝrin, virusların rolu da müstǝsna deyil.

Orqanizmin reaktivliyinin dǝyişilmǝsi ǝsas rol oynayır. Uşağın güclü soyuqlaması bu reaktivliyin dǝyişmǝsinǝ tǝkan verir. Böyrəklərin yumaqcıqlarını zǝdǝlǝyǝn toksin ilk növbǝdǝ onun damarlarına tǝsir göstǝrir. Yumaqcıq kapilyarlarının zədələnməsi nǝticǝsindǝ böyrǝk süzgǝclǝrinin blokadası baş verir. Bundan başqa damardaraldıcı xassǝyǝ malik olan renin adlı maddǝ ifraz olunur. Nǝticǝdǝ qan tǝzyiqi yüksǝlir. Böyrǝk süzgǝcinin blokadası böyrǝyin ifrazetmǝ funksiyasını zǝiflǝdir. Qanda suyun, duzların toplanması qanın hǝcmini artırır.

Qlomerulonefrit sidik, ödemli və hipertonik sindromdur. Bəzi hallarda böyrək zədələnməsi öz antikorlarının orqanın özünə təsiri nəticəsində baş verir.