İnvaziv Radiologiya - Radiologiyanın bir bölümüdür. İnvaziv Radiologiya (İR) son illərdə tibbin ən çox inkişaf etmiş sahələrindən biridir. İR aparılan əməliyyatlar əksər hallarda Angioqrafiya (latın sözü olub angio-damar, grafiya-çəkirəm) cihazı ilə təchiz olunmuş əməliyyatxanada aparılır.

İnvaziv radioloq - angioqrafiya, kompüter tomoqrafiya, usm, rentgen cihazların köməyi ilə əməliyyatlar aparan ixtisasçıdır.

Bu gün artıq dünya praktikasında aparılan invaziv radioloji prosedurlar, əməliyyatların əksəri ölkəmizdə uğurla aparılır. İnvaziv Radioloji əməliyyatlar, cərrahi əməliyyatlarla müqayisədə daha az riskli və daha az travmatikdir. İnvaziv Radioloji metodların üstünlükləri: Bütün әmәliyyatlar yerli keyitmə ilә aparılır və nadir hallarda ümumi anesteziyaya ehtiyac olur, xәstәlәri ümumi anesteziya və cərrahi müdaxilənin fәsadlarından qoruyur, cərrahi kәsiyә və ümumi anesteziyaya ehtiyac olmadığı üçün әmәliyyatdan sonrakı reabilitasiya dövrü çox qısa olur, xəstə qısa zamanda xəstəxanadan evə yazılır və gündəlik həyatına davam edir, cərrahi müalicə ilә kombinasiya oluna bilər, bəzi xəstə qruplarında alternativi olmayan tək müalicə metodudur, təkrarlamaq mümkündür.