Polikistik yumurtalıq sindromu

Polikistik yumurtalıq sindromu təxminən 15% qadından olan, mərkəzi sinir sistemi, hipofiz vəzi, yumurtalıqlar böyrəküstü vəzi və digər orqanları arasında qarşılıqlı əlaqənin pozulması nəticəsində tez-tez rast gələn endokrin xəstəlikdir.

Xroniki müşahidə olunan və qadınların həyat keyfiyyətinə mənfi təsir edən bir xəstəlikdir. Buna səbəb olan faktor və ya faktorları aydınlaşdırmaq mümkün olmasa da genetik və ətraf mühitin təsiri ilə özünü büruzə verməsi fikri üstünlük təşkil edir.

Tipik polikistik yumurtalıqların fəaliyyətlərində pozulma ilə müşahidə olunur. Bu da öz növbəsində aşağıda qeyd olunanlara səbəb ola bilər.

• Sonsuzluq
• Aybaşı pozğunluğu
• Hirsuitizm, saç tökülməsi, sızanaq
• Endometriumun və süd vəzi xərçənginə tutulma riskinin artması
• Ürək-damar sistemi xəstəliyi ehtimalı
• İnsulinin səviyyəsi artan qadınlarda diabet xəstəliyi riski
• Özbaşına düşüklərin sayının artması

Polikistik yumurtalıq sindromu əslinda ana bətnində başlayır.

Polikistik yumurtalıq xəstəliyində artıq çəki xəstəliyin inkişafına səbəb olur.

Müalicə hər pasiyentə fərdi yanaşılaraq aparılır.