Hipopituitarizm

Hipopituitarizm hipofiz vəzində yaranan hər hansı bir çatışmazlıq səbəbiylə, hipofiz hormonlarının ifraz olunmaması ilə özünü göstərən hipofiz yetməzliyidir. Hipofiz çatışmazlığı özünü büruzə verdikdə digər endokrin vəzlərin hormon ifrazında problemlər özünü göstərir. TSH az ifra olunduğundan tiroid yetməzliyi yaranır və hipotiroidizm özünü göstərir. ACTH az ifraz olunduqda adrenal vəz çatışmazlığı yəni kortizol hormon çatışmazlığı yaranır. FSH və LH az ifraz olunduqda isə yumurtalıq və ya testis normal fəaliyyət göstərməz.

Hipofiz çatışmazlığının səbəbləri:

• Hipofiz vəzindəki şişlər
• Doğuş zamanı həddən artıq qanamaya bağlı hipofiz vəzinin xəsarət alması
• Sarkoidoz və hemokromatoz kimi xəstəliklərin hipofiz vəzini əhatə etməsi
• Baş beyin travması
• Hipofiz əməliyyatları
• Hipofizlə bağlı radioterapiya etdirən xəstələrdə hipofiz çatışmazlığı yarana bilir.

Əlamətləri

• Hipofizdə şiş varsa, ona bağlı olaraq baş ağrısı və görmə sahəsinin pozulması
• Hipofiz hormonu azlığına bağlı hormon ifraz edən vəzlərdə çatışmazlıq

Diaqnoz kliniki əlamətlər və analiz vasitəsilə təyin edilir. Müalicəsi əksik olan hormonlar dərman vasitəsilə təmin edilir.