Hamiləlikdə allergiya

Hamilələrin 20%-də allergik xəstəliklər özünü büruzə verir. Allergenlər bədənə tənəffüs yolu ilə və ya yediyimiz qidalar vasitəsilə daxil ola bilər.

Hamiləlikdə ən çox rast gəlinən allergiya növləri allergik astma və allergik rinitdir. Hamilələrin 20%-də hormonal dəyişikliklər səbəbi ilə rinit və burun tıxanması baş verir.

Bundan əlavə aşağıdakı hallar da baş verə bilər:

• Boğaz və burunda qaşınma
• Dad və qoxu almaqda dəyişkənlik
• Davamlı olan boğaz ağrısı və quruluğu
• Qızdırma
• Dəridə qızarma
• Gözlərin yaşarması
• Nəfəs darlığı

Hamiləlik dövründə allergiyanın fəsadlarından qorunmaq üçün Ginekoloqla yanaşı Allerqoloq nəzarəti də vacibdir. Müalicə həkim nəzarəti altında aparılır.

Allergiya irsidir, ana allergik xəstəlikdən əziyyət çəkirsə, övladın allergiya olma ehtimalı 50%-dir.

Bu əlamətlər ilk üç aylıq dövrün sonunda başlayır və doğuşdan sonra da davam edir. Astma xəstəliyi hamiləlik zamanı nəzarətdə saxlanılmadığı halda düşük, erkən doğuş və yeni doğulmuş körpənin ölüm ehtimalını artıra bilər.