Anevrizma

Anevrizma qan damarlarının divarlarında zəifləmə nəticəsində bir balon kimi genişlənməsidir. Anevrizma zamanı damar divarı zəifləyir, incəlir və damarın yırtılma ehtimalı böyüyür. Anevrizma bədənin hər hansı nahiyəsindəki damarda meydana gəlir, ancaq daha çox qarın aortasında (ürəkdən çıxan və bədəni qidalandıran damar), ürəkdən çıxan və sinə nahiyəsindəki aortada, beyin damarlarında yaranır. Anevrizmanın yaranmasına səbəb damar sərtliyidir (ateroskleroz).

Xəstəliyin yaranması üçün risk faktorları aşağıdakılardır:

• Siqaret çəkmək
• Diabet xəstəliyi
• Genetik meyillilik
• Qanda xolesterinin səviyyəsinin yüksək olması
• Yüksək təzyiq
• Stress

Xəstəliyin əlamətləri aşağıdakılardır:

• Kürək ağrısı
• Qarın ağrısı
• Qarın nahiyəsində şişkinlik

Anevrizma olan xəstələrdə damarlar yırtıla bilər bu zaman xəstə huşunu itirə və hətta qan itirmədən ölə bilər.

Müalicəsi əsasən cərrahi üsulla edilir. Qarın və sinə daxilindəki aorta damarlarındakı anverizm 5 sm-dək olan xəstələrə stent tətbiq edilir.

Qeyd olunan risk faktorları olan 65 yaşından yuxarı insanlar həkim müayinəsində mütəmadi olmalıdır ki, vaxtında müalicə edilsinlər.