Stomatoloji bölməmiz müasir standartlara uyğun və yüksək keyfiyyətli stomatoloji xidmət təklif edir. Burada siz müxtəlif növ diş, çənə və ağız boşluğunda olan xəstəlik və anomaliyaların həlli yolunu tapa bilərsiniz. Bizə müraciət edən hər bir pasiyentə fərdi yanaşılır və tətbiq olunan hər bir diaqnostik və ya müalicəvi manipulyasiya yalnız individual şəkildə aparılır. Bizim məqsədimiz pasiyentlərimizə yüksək keyfiyyətli tibbi xidmət göstərmək və müalicənin nəticəsindən qane olmalarını təmin etməkdir. Apardığımız hər bir stomatoloji prosedur bu sahədə tətbiq olunan ən son müalicə metodların və müasir tibbi avadanlıqların vasitəsi ilə tam steril şəraitdə həyata keçirilir. Bundan əlavə, hər bir xəstəliklərin dəqiq diaqnostikasını təmin etmək üçün şöbəmizdə quraşdırılmış dental vizioqraf və ortopantomoqramma aparatlarından istifadə edilir.

• Ağız boşluğunun selikli qişa xəstəlikləri: aftoz, allergik, herpetik, medikamentoz stomatitlər, kandidoz, xeylit, qırmızı yastı dəmrov, leykoplakiya.
• Diş əti xəstəlikləri: gingivit, parodontit, parodontoz.
• Dişin sərt və yumşaq toxumalarının xəstəlikləri: diş tacının və kökünun sınıqları, diş tacının estetik qüsurları, karies, pulpit, apikal toxumaların lezyonu.
• Diş və çənə anomaliyalarının diaqnostika, profilaktika və müalicəsi
• Hissəvi və tam itirilmiş dişlərin bərpası, müalicə və profilaktikası, müxtəlif növ protez konstruksiyalarının hazırlanması
• Diş, çənə və üz nahiyyəsinin xəstəliklərinin cərrahi üsul ilə müalicə və profilaktikası.

• Diş-çənə cərrahiyyəsi: Diş çəkimi, retension diş əməliyyatı, ağıl diş çəkimi, diş kökünün cərrahi yolla çıxarılması, kökün apikal hissəsinin rezeksiyası, frenektomiya , kist əməliyyatı ,abses və fleqmonanın drenajı, çənə lüksasiyası, sinus-lifting əməliyyatı, sinus perforasiyasının bağlanması, oroantral fistulanın bağlanması, alveol plastika, biopsiyaların alınması, flep əməliyyatı.
• Endodontiya: kəskin və xroniki pulpitlərin müalicəsi, diş kökünün sınıqlarının restavrasiyası, apikal periodontitin müalicəsi.
• Estetik stomatologiya: diş tacının kompozit və keramika ilə bərpası, diş tacının pinlə restavrasiyası, tək diş və diş sıralarının ağardılması.
• Ortodontiya: müxtəlif mənşəli diş-çənə əyriliklərinin breketlərin tətbiqi ilə düzəldilməsi, əngəlləyici ortodontik müalicə, sabit və hərəkətli aparatların hazırlanması, kappaların hazırlanması, estetik breketlərin tətbiqi.
• Ortopediya: metal, metal-keramik və tam keramik qapaqların və körpülərin hazırlanması, vinirlərin hazırlanması, tək və hissəvi protezlərin hazırlanması.
• Uşaq stomatologiyası: diş tacının restavrasiyası, fissurların örtülməsi, kök kanallarının müalicəsi, diş və çənə anomaliyalarının diaqnostikası.
• Periodontologiya: diş daşı təmizləməsi, subgingival kuretaj, gingivoektomiya, gingivoplastika, periodontal abses müalicəsi, gingivit və parodontitin müalicəsi, flap əməliyyatı.