Revmatologiya oynaqların, əzələlərin, onurğa sütununun və birləşdirici toxumanın iltihabi, autoimmun və degenerativ xəstəliklərinin diaqnostika və müalicəsi ilə məşğul olan tibbin ixtisaslaşmış sahəsidir. Revmatik xəstəliklər çox vaxt xroniki gedişə malikdir və vaxtında müalicə olunmadıqda həyat keyfiyyətini əhəmiyyətli dərəcədə azalda bilər.

Revmatologiyanın əhatə etdiyi xəstəliklər

• Oynaqlar və onurğa sütununun xəstəlikləri
• Əzələ və bağ patologiyaları
• Birləşdirici toxumanın sistem xəstəlikləri
• Autoimmun mənşəli daxili orqan zədələnmələri

Revmatik xəstəliklərin əsas qrupları

• İltihabi xəstəliklər: revmatoid artrit, spondiloartritlər, psoriatik və reaktiv artritlər
• Degenerativ xəstəliklər: osteoartroz, onurğanın degenerativ patologiyaları
• Kollagenozlar: SLE, sklerodermiya, dermatomiozit, Sjögren sindromu
• Metabolik artropatiyalar: podaqra, kristal depozit xəstəlikləri
• Yumşaq toxuma revmatizmi: tendinit, bursit, fibromialgiya

Diaqnostika və müalicə

Diaqnostikada klinik müayinə, laborator analizlər, ultrasəs, MRT və digər instrumental üsullar tətbiq olunur. Müalicə fərdi yanaşma əsasında planlaşdırılır və dərman müalicəsi, həyat tərzi dəyişiklikləri və fizioterapiyanı əhatə edir.

Nə zaman revmatoloqa müraciət etməlisiniz?

• Uzunmüddətli oynaq ağrıları
• Səhər saatlarında oynaq tutulması
• Şişkinlik və hərəkət məhdudiyyəti
• Əzələ zəifliyi və davamlı yorğunluq və s.