Laboratoriya bölməmiz – Klinik- biokimyəvi, hemotoloji, hemostaz, seroloji, hormonal, mikrobioloji, genetik, patoloji və PZR bölmələrindən ibarətdir.

Laboratoriyamız beynəlxalq standartlarda analizlərin aparılması və diaqnozun düzgün qoyulması üçün tam avtomat və son model müasir tibbi cihazlarla təchiz edilmişdir. Bölməmiz 7 gün 24 saat çalışır.

Cihazlar hər gün control və kolibrator yoxlamasından keçirilir.Eyni zamanda hər ay xarici kontrollar əsasında keyfiyyət nəzarəti qoyulur.

Laboratoriyamızda 1500-dən çox müayinələr aparılır. Müayinələrin hər birinin ayrıca təlimatı hazırlanır və analizlər həmin təlimat əsasında həyata keçirilir.

Laboratoriyamız Türkiyə, Almaniya, ABŞ-nın qabaqcıl klinikalarının laboratoriyaları ilə müqavilə əsasında Azərbaycanda edilməyən nadir analizləri də qəbul edir.

İnteqrasiya sistemi vasitəsi ilə müayinə və analizlərin nəticələri birbaşa kompüter-məlumat bazasına daxil edilir. Müayinələrin nəticələri bir neçə yoxlama mərhələsindən keçir. İlkin nəticə həkim-laborantın nəzarətindən, II mərhələ laboratoriya müdiri nəzarətindən və III mərhələ keyfiyyət meneceri nəzarətindən keçir ki, bu sistemin nəticəsində biomaterialın götürülməsi anından başlayaraq, nəticələr hazır olana qədər hər bir materialın keçdiyi yolu yenidən izlənilir. Yalnız bütün kriteriyalar üzrə nəzarətdən keçmiş nəticələr pasiyentə təqdim olunur.